Lidd worden - Waarum?

 

Oostfreeske Taal is en Vereen för ‘t allgemeen Nütt. He sett sük för de plattdüütske Spraak in, dat de mehr proot, höört, schreven un leest word. He warkt as Interessengemeenskupp för dat Erhollen un Fördern van de Regionaalspraak Plattdüütsch in Oostfreesland un spraakpolitisk ok up Landes- un Bundesebene. Wi strieden as en Lobby för de Spraak. Ruugweg 1.000 Minsken stönen al Oostfreeske Taal.

As Lidd van Oostfreeske Taal mutt man neet an all Versammelns of Aktivitäten deelnehmen. Dat gifft neet elke Week of Maant faste Terminen, waar man hengahn mutt.

Man in enige Gebieden van Oostfreesland gifft dat so benöömte Kuntreiversammelns of Stammtafels van Oostfreeske Taal. Hier hebben Leden de Mögelkheid, dat se an plattdüütske Angeboden deelnehmen of sük mit verscheden Themen up un för Plattdüütsk befaten. De Anspreekpartners sünd:

Kuntreiversammeln Auerk

Andreas Gerdes Tel. 04941-71525

Fritz Janssen Tel. 04943-4278

Kuntreiversammeln Emden-Hint-Krummhörn

Herma Knabe Tel. 04921-363121

Plattdüütske Stammtafel Leer un umto

Carl Ahrlichs Tel. 0491-63272

Evert Druivenga Tel. 04951-1730

Kuntreiversammeln Nörden-Brookmerland

Adolf Sanders Tel. 04931-3365

 

 Nu Lidd worden >>

 

En Ledenskupp verschenken!

Ik much en Fründ, Verwandte of Naber en Ledenskupp bi Oostfreeske Taal i. V. för een Jahr schenken. Dat neei Lidd kriggt veer Utgaven van de Tiedschrift "DIESEL - dat oostfreeske Bladdje" tostüürt. De Ledenskupp löppt an ‘t Enn van dat Bidragsjahr bzw. nadeem de veerde Utgaav van DIESEL utlevert worden is van sülvst ut. Ehrdat de Ledenskupp toenn geiht, fraggt Oostfreeske Taal na, of de Ledenskupp up egen Kösten wiederföhrt worden sall.

 Hier geiht dat na dat Formulaar för en Geschenk-Ledenskupp >>

 
12345