Keerlke is en Figur ut Ton, de  Christian Eisbein ut Esens, na de Romanfigur in Wilhelmine Siefkes’ groot Roman „Keerlke“ maakt hett.

Uttekent mit de Keerlke-Pries worden Lüü of Institutionen, de sük besünners för dat Erhollen un de Förderung van de oostfreeske Regionalspraak insetten.

Priesdragers weren:

2016  Antje Gronewold för hör butengewohnt Insetten um dat Erhollen van de plattdüütske Spraak over vööl Jahren.

2015  Hillrich Reents för sien Arbeid up en heel Bült verscheden Rebetten van de plattdüütske Spraak.

2014  Helmut Collmann för sien Insatz för de plattdüütske Spraak buten Oostfreesland.

2013  Hanne Klöver för hör journalistische Arbeid mit un för Plattdüütsk.

2012  Herma Knabe för hör langjahrig Insatz för Plattdüütsk in de School.

2011  Imke Schulte för hör Insatz för Plattdüütsk siet jung Jahren.

2010  Adolf Sanders för sien grote Insatz up vööl verscheden Rebetten, daarmit de plattdüütske Spraak erhollen blifft.

2009  Margret Aden un Grete Saathoff för hör langjahrig Wark för dat Erhollen van de plattdüütske Spraak in de Grundscholen.

2008  Cornelia Nath för hör langjahrig Warken un Stöön för Plattdüütsk.

2007  Helmut Hinrichs för sien Verdeensten um dat Harlinger Platt.

2006  Marianne Brückmann daarför, dat se sük siet vööl Jahren för de plattdüütske Spraak in Woord un Schrift insett.

2005  Gerd Brandt för sien Insetten för Plattdüütsk bi Radio Oostfreesland.

2004 de Rutgevers van DIESEL,  Dr. Hans-Hermann Briese, Nörden,  Johannes Diekhoff, Auerk un  Carl-Heinz Dirks, Unterstedt (nu Emden).

2003 de  Ländliche Akademie Krummhörn för dat Fördern van de plattdüütske Spraak up ’t Land.

2002  Jakob Janshen ut Ollersum för sien Arbeid up dat Rebett van dat plattdüütske Theater in Oostfreesland.

2001 de Leeraner Mester  Helmut Duis för sien plattdüütske Verkoopstraining in d’ Beroopschoolunnerricht.

2000  Gernot de Vries för sien Verdennsten um dat hoogdüütsk-plattdüütske Woordenbook.

1999  Garrelt van Borssum för sien Insetten för Plattdüütsk in d’ Schoolunnerricht in Oostfreesland.

1998 de Wallinghusener Schriever un Volksschauspöler  Ubbo Gerdes för sien Arbeid up dat Rebett van dat plattdüütske Theater un de plattdüütske Literatur.

1997  Theo Schuster ut Leer daarför, dat he in sien Verlag alltied weer plattdüütske Boken herutbrengt.

1996 de Jemgumer Ledermaker  Jan Cornelius för sien Verdennsten um dat plattdüütske Kinnerleed.

1995 Theda Ahlrichs ut Freebörg-Marx för hör Arbeid mit Plattdüütsk in de Karkengemeen un in de Gottesdennst.

1994 de  Gemeen Ihlow un hör Mitarbeiders daarför, dat se bi dat Rutgeven van dat hoogdüütsk-plattdüütske Woordenbook van Otto Buurman düchtig mithulpen hebben.

1993 de Erzieherin un Ledermakerske  Gitta Franken geb. Mennenga ut Südbrookmerland för hör Arbeid mit Plattdüütsk in d’ Kinnergaarn.