Oostfreeske Taal is en Vereen för ‘t allgemeen Nütt. He sett sük för de plattdüütske Spraak in, dat de mehr proot, höört, schreven un leest word. He warkt as Interessengemeenskupp för dat Erhollen un Fördern van de Regionaalspraak Plattdüütsch in Oostfreesland un spraakpolitisk ok up Landes- un Bundesebene. Wi strieden as en Lobby för de Spraak. Ruugweg 1.000 Minsken stönen al Oostfreeske Taal.

Ehrenleden

Carl-Heinz Dirks ut Emden weer van 1993 bit 1998 Vörsitter un van 1998 bit 2002 Schriever in d‘ Vörstand.

Antje Gronewold ut Holtrop weer van 1998 bit 2011 Vörsitterske, daarna hett se noch fiev Jahr as Bisitterske in d‘ Vörstand warkt.

Martin Feldkamp ut Hesel weer siet 2004 in d‘ Vörstand, toeerst as Bisitter un van 2011 bit 2016 as Vörsitter.